Kartina kompozitsiyasi uchun tog’ bag’ridagi qishloqning oqshom qiyofasi tanlab olingan. Moviy oqshom osmoni fonida bir-biriga ulanib ketgan uylarning qorong'u manzarasi ajralib turadi. Ba’zi uylar derazalarida chiroq nuri porlaydi. Ular kimningdir kelishini kutayotgandek go’yo. Fon qismida esa tanlangan mahobatli qoyalar, uning etagida tasvirlangan daraxtzor silueti kartina jozibasini yanada oshirgan. Muallifning rang-barang effektlarni qo’llashi va hissiy ekspressivligi, badiiy lahzani nasriy motivga shu tarzda kiritish usuli uning mahoratidan darak beradi.