Manzara janrida yaratilgan ushbu kartinada muallif tabiat mo’jizalaridan birini tasvirlaydi. Kompozitsiya markazidan ikkiga bo’lingan yurak shaklidagi qoyatosh tasviri o’rin olgan. Rassom turli kaloritdan foydalangan bo’lsada, kartinada kulrang, jigarrang ustunlik qiladi. Asar fonida biroz bulutli, ammo yorug’ kunning tush mahali tanlab olingan. Qoyatosh atrofi yam-yashil dararxtzor bilan o’ralgan, tog’dan oqib keluvchi daryo to’liq va beqaror. Qirg’oq bo’yidagi mayda toshlar uyumi yirik qoyatoshga kontras qilib ishlangan bo’lib, kompozitsiya muvozanatini saqlaydi. Tabiatning ushbu betakror manzarasi orqali rassom unda mumtoz go‘zallikning shiddatliligi va tabiat uyg‘unligini mohirona yetkazgan. Kartina tomoshabinni o'ziga xosligi bilan jalb qiladi va yaxshi kayfiyat, xotirjamlik va sokin tafakkur beradi.