Manzara janrida ishlangan ushbu kartinada oddiy qishloqning qishki qiyofasi tasvirlanadi. Asarda kichik oqib o’tuvchi anhor kompozitsion konstruktsiyaning asosini tashkil etuvchi predmet bo’lib, tomoshabinni kartina ichiga olib boradi. Anhorning chap tomonida esa tomlari qor qatlami bilan qoplanishga ulgurmagan qishloq uylari tasvirlangan. Qator uylar asarga bir tekis, osoyishta ritm beradi va mayda detallar tomoshabin e'tiborini tortadi. Ular oddiy, ammo ajoyib qish manzarasini to’ldirib turgandek go’yo. Atrofda esa qor qatlamini yorib o'tgan yalang'och daraxtlar, butalar ko’zga tashlanadi. Rassom tomonidan uylar, qor ostida ochilib qolgan yerlar va boshqa detallar uchun ishlatilgan sariq, qizil ranglar qishning qahraton sovuq fasl emas, balki go’zallik belgisi ekanini ko’rsatishga harakat qilgan. Shu bilan birga sokin qishki qishloq manzarasi ko’ngilga hotirjamlik va osoyishtalik baxsh etadi.