Qayqi deb nomlangan ushbu pichoq mustahkam po`latdan ishlangan. Tig`i 22 sm, dastasi esa 12 sm ni tashkil etadi. Uning e`tiborni tortadigan muhim jihatlaridan biri o’ziga xos dizaynga ega ekanligi. Asos va dastani birlashtirib turgan gulband melxiordan ishlangan bo’lib, ichki qismiga milliy an’analarga xos o’yma naqsh tushirilgan. Gulbandning tig’ bilan tutashib ketgan qismiga esa bargni eslatib ketuvchi bo`rtma naqsh qilingan. Yon atroflari shudring tomchilarini o’xshash kichik feruza toshlar bilan ziynatlangan.. G`ilofi charmdan ishlangan bo`lib, uning sirtiga bosma uslubda islimiy naqsh tushurilgan. G`ilofga o`rnatilgan ilgak esa uni olib yurishni yanada osonlashtiradi. Eng e`tiborli jihati shundaki, asar boshdan oyoq qo`l mehnatiga asoslangan.