Ushbu kartinada qishloqqa eltuvchi yo’lning kunduzgi quyoshli manzarasi tasvirlangan. Qator terak tojlari issiqdan charchagan, o’tlarga noaniq soya solib turibdi. Qiya tepalikni qoplagan butalar va maysalar quyoshga yo’l berib, yengil sarg’ish-yashil tusga kirgan. Moviy osmonga ulanib ketgan mahobatli tog’lar syujeti manzara jozibasini yanada oshirgan. Qumli keng yo’lak esa yozning issiq haroratini ko’rsatgan. Yozgi peshin sukunati asarning yorqin kaloriti bilan ta'kidlangan. Tasvirlangan kunning go'zalligi ortida muallifning kayfiyati, tabiatning ulug’vor qismidan alohida sokinlik ruhi mohirona ifodalangan.