Kartinada buyuk va qadimiy Samarqand shahri tasvirlangan. Shoir va faylasuflari uni - qalb bog‘i, sharq durdonasi, dunyoning ko‘zgusi deb ataganlar. Ijodkor shuncha go’zalliklarni o’zida jam qilgan betakror shaharning tungi manzarasini tasvirlaydi. Moviy rangli gumbaz osmon va tog’ tizmalari rangi bilan uyg’unlikda ajib manzara kasb etgan. Gumbaz ustida ishlangan hilol oy musulmonchilikda alohida ramziy manoga ega bo’lib, u tomoshabinlarga inshoatning masjid ekanidan darak berib turibdi. Ijodkor uni yuqoridan, go’yo derazadan tomosha qilayotgandek tasvirlagan. Bu esa masjidni birinchi planga chiqishiga sabab bo’lgan.