“Sevgi va yashash” deb nomlangan ushbu kartina rassom tomonidan o’zgacha uslubda yaratilgan. Asar markazida tasvirlangan qiz ko’zlari yumuq, ammo hotirjam qiyofada. O’ng va chap tomonlarida ishlangan g’ildirak hayot charxpalagi go’yo. O’simliklar va gular esa tiriklik nishonasi. O’ng tomonda burchakda stul ustida ishlangan anor sevgi ramzi bo’lib, uni o’rab turgan hayotni baxt va quvonchga to’ldirmoqda. Barcha narsalar rangi shaffoflashib bormoqda. Buning ma’nosi esa ilohiy sevgi yordamisiz Inson hayoti beg’uborlik va poklikka erisha olmas edi. Rassom bu kartinada sevgi, mehr-oqibat, muruvvat va insoniy mehr har bir kishining yashashiga yordam beruvchi, hattoki zaif insonga kuch bo’la oladigan tuyg’u ekanligiga ishora qiladi.