Samarqand shahrida yaratilgan ushbu kartina tengkunlik voqealarini tasvirlaydi. Ushbu kun Sharq xalqlarida Navro’z bayrami sifatida nishonlanadi. Asar kompozitsiyasida aynan shu manzara tasvirlangan. Personajlar kartina markazida joylashtirilgan. Karnaychi o’z kuyini chalmoqda, unga hamohang raqqosa raqsga tushmoqda, barcha ko’tarinki kayfiyatda. Rassom tanlagan issiq ranglar, kaloritning boyligi bahor kelganligiga ishora qiladi. Orqa fonda Samarqand me’moriy obidalari kompozitsiyani yanada jozibador qilib ko’rsatmoqda. Asar sodda yechim va go’zal manzarasi, ko’ngilga yaqin iliq ruhiyati bilan tomoshabinni o’ziga jalb qiladi