Rassom ushbu kartina sodda oddiy ko’cha manzarasini va iliq chehralarni tasvirlaydi. Maishiy janrda ishlangan bu asar kompozitsiyasi mukammal yechimga ega. Kartinaga chap tomondan kiriladi. Kichik yo’l orqali manzara yakunlanadi. Asarda turli katta-kichik personajlar tasvirlangan. Asosiy qahramonlar birinchi planda ishlangan. O’ng tomonda qator uylar gavdalantirilishi esa manzara qiyofasini yanda kuchaytirgan. Kartinada ishlatilgan rang-barang kalorit tomoshabinni o’ziga jalb qiladi. Tunukachi ota va uning sheriklari o’z ishlari bilan mashg’ul, ammo bu holatni tasodifiy kelib qolgan bolakay o’zgartiradi. Yozgi yengil kiyimlarda tasvirlangan bolaning beg’ubor nigohi davraga iliqlik olib kiradi va ularning yuzlariga beihtiyor tabassum yuguradi. Asarda tasvirlangan manzara yaxshilik, quvonch, baxtni ramziy qiyofasini kuylaydi.