“Tush” kompozitsiyasi yosh bolaning orzu-hayollari haqida. U go’yoki bulutlar orasida suzib yuribdi. Aynan o’sha yerda o’z onasini topgan. Yana qaytib yo’qotib qo’yishdan qo’rqanday onasini mahkam quchoqlab olgan. Bu qo’rquvning sababi bor. Chunki bola yosh xolida yetim qolgan. Bola g’oyibda onasini topgan bo’lsada, ammo bu haqiqiy hayot emas. Shuning uchun ham ijodkor onaning yuzini ishlamagan, faqat libosi orqali tasvirlashga harakat qilgan. Bolaning ko’zlarida yosh tomchisi. Bu quvonch yoshi, bola o’z onasini topganidan baxtiyor. O’z navbatida ijodkor ona ruhini ham tasvirlashga harakat qilgan. Ona kapalak misoli kelib bolasining boshiga qo’ngan. Xuddi uning boshini qo’llari bilan silayotganday.