Maishiy janrda ishlangan ushbu kartinada doimiy ish va tashvishlardan xordiq olish uchun tabiat qo’yniga chiqqan do’stlar davrasi gavdalantirilgan. Kompozitsiya turli pozada tasvirlangan obrazlar jamoasidan iborat. Asar qahramonlari liboslariga qarab ular turli davra vakillari ekanligini bilish mumkin. Rassom markazda dasturxon va tushlikdan keyingi manzarani: bo’shagan idishlar, tartibsiz joylashuv, sal narida pishayotgan shashlik qo’rasi, o’choq boshida qozon va kerakli idshlarni tasvirlaydi. Kimdir ushbu lahzani fotosuratga muhrlamoqda, kimdir qizg’in suhbatga berilgan, yana kimdir qo’shiq hirgoyi qilmoqda. Rassom ajoyib tabiat manzarasi bilan birga personajlar yuz qiyofasida mamnuniyat va iliq tabassumni tasvirlaydi. Asar tomoshabinda eski jo’shqin xotiralar va ko’tarinki kayfiyat baxsh etadi