Kartina portret janrida ishlangan bo`lib, unda aniq shaxs qiyofasi tasvirlangan. Musavvir asarda o`z zamondoshi, sharq musiqa asboblar ustasi, o`ymakor naqqosh Usmon Zufarov obrazini ifodalagan. Shu bilan birga uning ichki kechinmalari va psixologyasini ham ochib berishga harakat qilgan. Usta ayni vaqtda cholg`u asboblarini yasash bilan band, uning ko`z qarashlaridan chuqur fidoiylikni sezish mumkin. Boshidagi do`ppisi hamda egnidagi yaktagi bu qahramonning o`zbekona qiyofasini ochiq namoyon qilib bergan. Atrofdagi ish qurollari hamda devorga osilgan tayyor tanbur hamda dutordan u yerni ustaxona ekanligini osongina anglab olish mumkin.