Ushbu minyatura tabiiy ranglar uyg`unligida yaratilgan bo`lib, syujetning asosini ustoz va shogird o`rtasidagi suhbat tashkil etgan. Aynan shu orqali rassom tomoshabinga qadriyatlar induvidulligini ko`rsatib bergan. Musavvir Buxoro ipak qog`oziga akvarel hamda oltin bilan zeb bergan. Atrof turli detallar bilan boyitilgan. Ustoz ulug`vor daraxt tagida shogirdlariga ilm ulashmoqda , ular esa xotirjam holatda tinglashayapti. Tabiat bag`ridagi ustozning shogirdlariga qilayotgan nasihati nozik chizgilar bilan ifodalangan. Minyaturaning old qismiga moviy, yashil,pushti ranglar jilva qilgan, orqa fon esa butalardan iborat cho`ldan tashkil topgan. Ularning mushtarakligi kompozitsyaning ta`sirini kuchaytirgan. Tasvirning yana bir muhim detallaridan biri o`ng burchakdagi anor daraxtidir. Ushbu mevaning estetik jihatdan chiroyli shakli turli xil ma`nolarni anglatadi. Kartinada u yetuklik va ezgulik ramzi sifatida asar mohiyatini ochib bergan.