Omonov Dilshod Esonovich 1977 yil 7 fevralda Namangan viloyati Chortoq shahrida tavallud topdi. 1999 yil Namangan davlat universitetining amaliy san’at rassomi yo’nalishida taxsil oldi. Faoliyati mobaynida institut, shahar, viloyat va Respublika miqyosidagi madaniy tadbirlarda ijodiy ko’rgazmalari bilan ishtirok etib keladi. Bizga ma’lumki naqsh yaratish ustadan did, mahoratdan tashqari qunt, uzoq mashq-malaka talab qiladi. Dilshod Omonovda bularning barchasi mujassam. Uning ishlarida o’ziga hos rang uyg’unligini ko’rish mumkin. Ijodkor 2019 yildan boshlab Samarqand Davlat universitetining O‘zbekiston-Finlandiya pedagogika instituti San’atshunoslik fakulteti tasviriy san’at va muhandislik grafikasi kafedrasi mudiri sifatida ishlagan. So‘ngra O‘zbekiston-Finlandiya pedagogika instituti San’atshunoslik fakulteti tasviriy san’at va muhandislik grafikasi kafedrasi mudiri lavozimida faoliyat ko‘rsatib kelmoqda.