Ko’rib turgan minyatura “Darveshlar raqsi” deb atalib, Kamoliddin Behzodning shu nomli asari asosida ishlangan. Unda ruh va tananing uyg’unligi ko’rsatilgan. XVI-XVII asrlarda darveshlar “Zikr” marosimida shunday raqshga tushishgan va aynan shu asrlarda bunday minyaturalar ommalashgan. Miniaturada tabiiy dinamika va ruhiy shiddat barcha ishtirokchilarni qurshab olganini sezish mumkin. Asar markazidagi raqsga tushayotgan ikki oqsoqol va ikki o’rta yashar kishini ko’rish mumkin. Ularning liboslari ham ramziylikka yo’g’rilgan: rang qancha yorqin bo’lsa, personaj shuncha yosh bo’ladi. Zikrdagi uyurma harakat qo’llarning buralib-eshilishi, rang-barang bo’yinbog’larning yengil hilpirashi ruhiy holatni yana ham bo’rttirib ko’rsatgan.