Asar soda syujetdan iborat bo’lib, unda baland tog’lar, bepoyon dala hamda keksa daraxt tasvirlangan. Unda rassom kuz fasli iforini berishga uringan. Oldingi planda tasvirlangan allaqachon yaproqlarsiz qolgan keksa daraxt kishiga o´z umrini yodiga soladi. Bir nazar solib ko´ring-a umrniz nechog'lik tez o'tayotganini his qilasiz, gullab yashnagan yoshlik chog'i xuddi yashillika burkangan daraxtdek. Adirlardan hali yashillik ketmagan bo'lsada sarg'aygan barglar va o't o'lanlar ushbu keksa daraxtni yanada mahobatli qilib ko'rsatayotganga o'xshaydi. Aftidan tog' yonbag'rida joylashgan qishloq shekilli, kichikkana so'qmoq yo'lida keksaygan bir chol beqasam baxmal choponida tog' tepalikdan tushib kelayapti. Rassomning ushbu jarayonda tuygan his tuyg'ulariga tushunishga harakat qilgan tomoshabin beixtiyor umrni o'tkinchiligiyu, inson qadr qimmatini kengroq anglashga urinadi