Amaliy bezak san’atida namoyon voqelikning shartli umumlashma tasviriy obrazini o‘zida aks ettiradi. Asosan, O‘rta Osiyo naqqoshligiga xos bo‘lib, mustaqil naqsh mujassamotining eng murakkab turi hisoblanadi. Ushbu namoyonni yaratishda usta naqqosh girih va islimiy naqshlardan mohirona foydalangan, Namoyonni uzoq va yaqindan ko‘rinishini hisobga olgan. Naqshning band va tanoblarini darajalarga ajratib, birinchi darajali naqsh chiziqlariga alohida ahamiyat berilgan. Namoyonda girih asosiy, o‘simliksimon naqsh esa to‘ldiruvchi o‘rin tutadi va u maxsus liniya chegarani bosib o‘tmaydi. Ushbu nomoyon o‘ziga xos bezak uslubiga ega:bandlari bir-biri bilan o‘zaro bog‘laydi. Barglar kam ishlatiladi, mujassamot rivojlanish xususiyatiga ega, Unda harakat, mavj ko‘proq ko‘zga tashlanadi.