Najmiyev Axmat Amriddinovich 1980 yil 18 yanvarda Samarqand viloyatida tavallud topgan. Yoshlik chog’laridan amaliy san’atga muhabbat bilan tarbiya topdi. Ulg’aygach, shu sohada faoliyat yuritishni tanladi va 2002 yilga kelib Samarqand Arxitektura – Qurilish institutiga o’qishga kirdi. 2019 yilga kelib Respublika “Hunarmandlar” uyushmasi Samarqand viloyat boshqarmasi a’zosi bo’ldi. 2002 yil 4 apreldan buyon O’zbekiston Badiiy akademiyasi amaliy san’at ganchkor ustasi vazifasida faoliyat yuritib kelmoqda. Ijodkor bugungi kunga qadar san’at an’analarini rivojlantirdi, uni yangi mazmun bilan boyitdi. Islomiy va girih naqshlarni mahorat bilan qo’llab, jozibador naqsh mujassamotlarini yaratdi. Najmiyev Axmat Amriddinovich tomonidan ishlangan naqshlar nafis, aniq va lo’nda, o’ymalarining mukammalligi bilan diqqatga sazovordir.