Meyliyev Jamshid Jaxfarovich 1985 yil 24 fevralda Farg’ona viloyatining Qo’qon shahrida ziyoli oilada tavallud topgan. Bolaligidan tasviriy san’atga qiziqqan. Bu qiziqish uni 2005-yil Farg’ona davlat universitetining tasviriy san’at muhandislik grafikasi yo’nalishiga o’qishga kirishga undadi. 2009-yil shu yo’nalishdagi ta’limni alo darajada yakunladi. Oliygohni tamomlagach 7-umumiy o’rta ta’lim maktabida, keyinchalik esa 7-bolalar san’at va musiqa maktabida o’qituvchi sifatida faoliyat yuritdi. Hozirgi kunda ham shu ta’lim maskanida bolalarga hormay-tolmay o’z bilimlarini ulashmoqda. Rassom ijodi juda boy va turli mavzularga murojaat qilingan. Uning har bir asarida ishtiyoq, ishonch va haqiqat ruhi sezilib turadi. Rassom o’z ijodiy ishlarida samimiy sevgi, takrorlanmas tabiat go’zalligi va hayotiy manzaralarni tomoshabinga yetkazishda badiiy tilining soddaligi va qulayligi bilan ajralib turadi.