Umarov Mirzayunus Jo’rayevich 1954-yil 14-mayda Farg’ona viloyatining Qo’qon shahrida ziyoli oilasida tavallud topgan. Dastlabki ta’limni Qo’qon shahridagi 6-o’rta ta’lim maktabida oladi. 1971-yil maktabni bitirgach uning qizg’in ijodiy faoliyati boshlanadi. Dastlab “Badiiy ishlab chiqarish ustaxonasi” da yog’och o’ymakor usta sifatida ish boshlaydi. Uning ijodiy ishlaridagi mahorati atrofdagilar tomonidan yuqori baholana boshlagach “Usto” uyushmasi yog’och o’ymakori sifatida ham bir muddat faoliyat yuritdi. O’z ijodiy davri davomida o’z san’ati va mahoratini bolarlarga o’rgatishga ham vaqt topdi. 1994-yildan boshlab to’qqiz yil davomida 5-bolalar san’at maktabida o’qituvchi sifatida ish olib bordi. Serqirra ijodkor hozirgi kunda “Hunarmandlar” uyushmasining faxriy a’zosi. Usta o’z ijod namunalarida milliy ruh, an’anaviy san’atni saqlab qolishga, uni yanada takomillashtirishga harakat qildi. Yangicha uslub va yechimlarga murajaat qildi. Shu sabablimi usta yasayotgan buyumlar bugungi kunga qadar xalq orasida mashhur.