Choriyev Sherzod Nurillayevich 1984 yil 22 iyunda Navoiy viloyatining Navbahor tumanida rassom oilasida tavallud topgan. Bolalaigidan tasviriy san’atga qiziqqan. Bu qiziqish uni 2001 yil Milliy rassomchilik va dizayn institutiga o’qishga kirishga undadi. 2005-yil maxobatli rangtasvir yo’nalishidagi ta’limni yakunladi. 2021 yilga Navoiy davlat pedagogika institutida magistratura yo’nalishini ham tamomladi. Hozirgi kunda O’zbekiston Badiiy Ijodkorlar Uyushmasi a’zosi hamda Navoiy davlat pedagogika institutining “Tasviriy sanʼat va muhandislik grafikasi” kafedrasining oʼqituvchisi sifatida faoliyat olib kelmoqda. Ijodkor o’z ishlarida oddiy xalqning odatiy turmush tarzini ifodalashga harakat qiladi. Uning har bir ishida hayotga muhabbat, mehr-oqibat va sokinlikni his qilish mumkin.