Shaymardarov Tursunqul Mingqobil o’g’li 1957-yil 15-iyunda Denov tumanida tavallud topgan. 1964-1974 yillarda Denov tumanidagi 14-sonli maktabni tamomlagan. 1975-1980 yillarda Samarqanddagi Mirzo Ulug’bek nomidagi Arxitektura va qurilish institutining “Arxitektura” fakultetini tugatgan. 1985-1990 yillar Moskvadagi “Сенеж” дом художниковда Dastgohli grafika, litografiya bo’yicha SSSR xalq rassomi Goga Seretelli rahbarligida ta’lim olgan. 1990 yil rassomlar uyushmasiga qabul qilingan. 1991 yil Samarqandda ilk shaxsiy ko’rgazmasini o’tkazgan. 1985 yildan boshlab respublikada o’tkazilayotgan ko’plab ko’rgazmalarda ishtirok eta boshlagan. 1997 yil Badiiy ijodkorlar uyushmasiga qabul qilingan. 2005 yil Surxandaryoning Termiz shahriga ko’chib keldi. Bu ijodkorning ishlariga ham o’z ta’sirini ko’rsata boshladi. Ko’proq o’z asarlarida Surxandaryoda yashovchi insonlar obrazini gavdalantira boshladi. 2006 yildan Surxandaryo badiiy ijodkorlar uyushmasi raisi bo’lgan. 2007-yil “Eng ulug’ eng aziz” Respublika ko’rik tanlovi g’olibi bo’lgan. 2018 yil Toshkentda “Surxon qo’shig’i” nomidagi shaxsiy ko’rgazma bo’lib o’tdi.